Россиядә фитнеска салым "вычеты" кертергә мөмкиннәр
Россиядә фитнеска салым "вычеты" кертергә мөмкиннәр
Россиядә фитнеска салым "вычеты" 2020 елның җәендә барлыкка килергә мөмкин, дип яза "Известия". Бу хакта басмага Дәүләт Думасындагы икътисади сәясәт комитеты рәисе урынбасары Владимир Гутенев сөйләгән.
Проект Финанслар министрлыгында эшләнгән. Хәзерге вакытта ул хөкүмәткә юлланган. Дәүләт Думасы депутатлары аны декабрьдә караячак.
Салым вычетына, ягъни салымны кайтаруга фитнесның нинди төрләре керәчәге әлегә билгеле түгел. Кайсы оешмалардан кайтарылачагы да билгеләнмәгән. Салым вычеты спорт инвентаре сатып алуга тоткан акчага кагылмый, шулай ук спорт чараларына барган өчен дә вычет булмаячак.
Исегезгә төшерик, фитнеска салым вычеты бирү инициативасын быел апрельдә Владимир Путин тәкъдим иткән иде.
