Россиядә бензин бәясе төшәрме?
Эксперт бензин бәясе күпмегә арзанаячагын фаразлады.
Россиядә бензин бәясе төшүе озакка бармас. Аның бер литры өчен бәясе 3-4 сумга арзанаячак. Ә аннары барысы да үз урынына кайтачак. Бу хакта РИА Новостига «Опора России» Гомумроссия кече һәм урта эшмәкәрлек иҗтимагый оешмасының беренче вице-президенты Павел Сигал сөйләде.
Россиядә ягулыкка биржа бәяләре февральнең соңгы көнендә аска тәгәрәде. Россиянең кайбер регионнарында АЗСларда бәяләр әкренләп төшә башлады. Массакүләм мәгълүмат чаралары хәбәр итүенчә, бу Түбән Новгород, Иркутск, Приморье крайларында һәм Сыктывкар, Салехард шәһәрләрендә күзәтелә инде.
Павел Сигал сүзләренчә, бензинның арзанаюы халыкара аренадагы вакыйгалар белән бәйле.
Бензинга бәяләр төшүгә бәйле килеп туган хәлгә бәйле, Сигал болай диде: «Бәяләр төшү массакүләм яки озак сроклы булыр дип әйтмим. Бары тик 3-4 сумга арзанаячак. Һәм күпмедер вакыттан соң бәяләр янәдән үсәчәк».