Россия Украинага хәлиткеч һөҗүмне февраль – мартка кадәр ясарга мөмкин. Бу фаразны Чечнядагы хәрби хәрәкәтләр ветераны, запастагы офицер Виктор Кутырь «Украина.ру» порталы белән әңгәмәсендә әйтте, дип яза «Московский комсомолец» сайты.
Офицер сүзләренчә, Киевка яңа кораллар китерү Украина армиясенә апрель яки майда контрһөҗүм оештырырга тырышып карау мөмкинлеге бирәчәк. Моңа кадәр Россиянең Украинага «тактик яки стратегик һөҗүм» ясау мөмкинлеге була.
«Турыдан-туры булмаган билгеләргә карасак, без мондый һөҗүмне ясарга җыенабыз», – диде офицер.
Виктор Кутырь фикеренчә, шуннан соң Мәскәү һәм Киев сөйләшүләр башларга мөмкин.
Алдарак Украинаның Иминлек һәм оборона милли советы сәркатибе Алексей Данилов, Россия Кораллы Көчләре махсус хәрби операция башлануның бер еллыгы уңаеннан Украинага һөҗүм башларга мөмкин, дип әйткән иде.
Россия Украинадагы махсус хәрби операцияне 2022 елның 24 февраленнән бирле алып бара. Президент Владимир Путин Донбассны азат итү һәм Россиянең иминлек гарантын тәэмин итүне «махсус хәрби операциянең максаты» дип атады.