Россия туристлары утырган машина Индонезиядә 25 метр тирәнлектәге чокырга төшеп киткән
Россия туристларын алып бара торган машина Индонезиядә 25 метр тирәнлектәге чокырга төшеп киткән. Бу турыда биредәге басмага сылтама белән РЕН ТВ яза.
«Бали утравында Булеленг районында 25 метр чамасы тирәнлектәге чокырга машина төшеп киткән. Ул Россия туристларын алып бара торган булган», – дип хәбәр иткән Detik басмасы.
Авариядә беркем дә һәлак булмаган, машина йөртүче һәм пассажирлар имгәнгән. Аларны экстрен рәвештә хастаханәгә алып киткәннәр.
Биредәге полиция белешмәсе буенча, машина йөртүче тормозлар ватылу сәбәпле идарәсен югалткан булуы ихтимал, диелә хәбәрдә.
