Узган төндә һава һөҗүменә каршы көчләр (ПВО) Россия төбәкләре өстендә Украинаның 86 беспилотнигын бәреп төшергән. Бу турыда Оборона министрлыгына сылтама белән «Татар-информ» яза.
Ведомство белешмәсе буенча, Курск өлкәсе өстендә – 23, Брянск өлкәсе өстендә – 16, Тула өлкәсе өстендә – 15, Белгород һәм Орел өлкәләре өстендә – 12шәр, Мәскәү төбәге өстендә – 4, шул исәптән Мәскәүгә таба оча торган 2 БПЛА, Смоленск өлкәсе өстендә – 2, Воронеж һәм Рязань өлкәләре өстендә 1әр БПЛА юк ителгән.
