Һава һөҗүменә каршы көчләр (ПВО) Россия төбәкләре өстендә Украинаның 74 беспилотнигын бәреп төшергән. Бу турыда Россия Оборона министрлыгына сылтама белән «Татар-информ» хәбәр итте.
Ведомствода хәбәр итүләренчә, Мәскәү өлкәсе өстендә – 23, шул исәптән Мәскәүгә оча торган 15 БПЛА, Курск өлкәсе өстендә – 14, Ростов өлкәсе өстендә – 12, Брянск өлкәсе өстендә – 10, Калуга өлкәсе өстендә – 10, Тула өлкәсе өстендә – 4, Липецк өлкәсе өстендә – 1 БПЛА бәреп төшергәннәр.
