Узган төндә һава һөҗүменә каршы тору (ПВО) көчләре Россия төбәкләре, шул исәптән Мәскәү өлкәсе өстендә, Украинаның 69 беспилотнигын бәреп төшергән. Бу турыда Россия Оборона министрлыгына сылтама белән «Татар-информ» яза.
Беспилотникларны Белгород, Брянск, Калуга, Курск өлкәләре, Мәскәү төбәге, Ростов, Рязань, Самара, Саратов өлкәләре һәм Кырым Республикасы өстендә бәреп төшергәннәр.
Бүген иртән, БПЛА һөҗүме куркынычы сәбәпле, Казан һәм Түбән Кама аэропортлары ябылган. Һөҗүм куркынычы сәбәпле, Казан, Алабуга, Түбән Кама һәм Әлмәт шәһәрләрендә яшәүчеләрне яшеренү урыннарына барырга сораганнар. Бу турыда мәгълүмат Россия Гадәттән тыш хәлләр министрлыгының рәсми кушымтасында чыкты.
Татарстан территориясендә 22.15 сәгатьтән бирле «беспилотниклар куркынычы» режимы гамәлдә.