Россия һәм Украина 25 яшькә кадәр булган әсир хәрбиләрне алмашты. Бу турыда Россия Оборона министрлыгына сылтама белән «Татар-информ» яза.
«2 июньдә ирешелгән Россия – Украина килешүләре буенча, Киев режимы контролендә булган территориядән 25 яшькә кадәрге булган Россия хәрбиләренең беренче төркеме кайтарылды», – диелә хәбәрдә.
Россия хәрбиләрен, дәвалану һәм реабилитация узу өчен, медицина үзәкләренә китерәчәкләр. Хәзер алар Белоруссиядә, аларга беренче ярдәм күрсәтәләр, диелә бу хәбәрдә.
