Россия халкына электрон паспортлар кайчан бирәләчәк?
2021 елдан башлап Россия халкын электрон паспортларга күчерергә җыеналар.
![Россия халкына электрон паспортлар кайчан бирәләчәк?](https://intertat.tatar/resize/shd/images/uploads/news/2018/10/9/8260bf4a7acdb375bbe46a252a6eed19438e81d2a18cc5a88298633b921b.jpg)
Россия Хөкүмәте кәгазь паспортларны электрон паспортларга алмаштыру турында фикер алыша. Бу турыда «Ведомости» хәбәр итте.
Әлеге инициатива концепциясе турында фикер алышу инде биш ел дәвамында бара. Россия халкын электрон паспортларга 2021 елдан башлап күчерергә җыеналар.
Электрон паспортта берничә документ берләштереләчәк. Монда СНИЛС, машина йөртү таныклыгы һ.б. булыр дип планлаштырыла. Паспортны чиплы пластик карта формасында ясап, халыкка таратачаклар.
Кешеләр дәүләт хезмәтләрен һәм реестрларын бу документ ярдәмендә куллана алачак. Хезмәт күрсәтүләр турында язма электрон рәвештә теркәләчәк.
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.