Россия Героеның апасы: «Үз гомере бәрабәренә башкаларны коткарды, өйләнергә дә өлгермәде»

«Әтигә бик авыр, әнигә икеләтә авыр, әни бу югалту белән килешә алмый»

Олег Сорокинга 27 яшь булган. 2022 елның 26 мартында аның подразделениесе ВСУның 3 мең сугышчысы белән тигезсез көрәшкә керә. Ул сугышчан иптәшләрен үз гомере бәрабәренә коткара алган.

Олег шигырьләр һәм хикәяләр язган. Ул һәлак булганнан соң, дуслары һәм туганнары, аның барлык әсәрләрен җыеп, 3 томлык бастырып чыгара.

Олег Мамадышта туып үскән. Әти-әнисе шунда яши. Улын югалту аларга бик авыр, шуңа күрә алар интервьюдан да, башка чаралардан да баш тартты. Геройның бертуганы Анна Талипова гына энесе турында сөйләргә ризалашты.

Анна – Олегның бертуган апасы, аңа 33 яшь, ул фармацевтика компаниясендә эшли. Алар хәрби гаиләдә үскән, әтиләре 30 ел буе РФ Кораллы Көчләрендә хезмәт иткән, аннан Мамадыш хәрби комиссариатында эшләгән.

«Әтигә бик авыр, әнигә – икеләтә. Алар концертларга, башка чараларга килүдән баш тарта. Үзләре шундый кайгы кичермәгән кешеләргә моны аңлау авырдыр. Минем әти-әниемә бик авыр. Шуңа күрә барлык сораулар, гадәттә, минем аша хәл ителә. Әни бик авырдан җавап бирә, без аны депрессиядән чыгарып кына киләбез. Тагын ниндидер шалтырату булса, ул кабат депрессиягә китә. Әни кеше белән улы еш кына бик якын була, шуңа күрә әни бу югалту белән килешә алмый», – дип сөйләде геройның апасы.

«Мин Одесса өлкәсендә туганмын, туганнарыбыз әле дә шунда яши»

Олег һәм Анна балачакта һәр җәйне Одесса өлкәсендә булалар. «Мин Украинада Одесса өлкәсендә туганмын, әнием ягыннан әби, әниемнең абыйсы һәм туганнары әле дә шунда яшиләр. Без аларга 2013 елга кадәр барып йөрдек. Минем әни әти белән шунда танышкан, әти анда СССР елларында хәрби частьтә хезмәт иткән», – дип сөйли геройның апасы.

Бу каникуллар турында Олег хәтта үзенең бер хикәясендә дә язган.

2013 елда Олег Академик К.А. Вәлиев исемендәге 2нче лицейны тәмамлый һәм шул ук елны Мәскәү югары хәрби гомуми гаскәр команда училищесына укырга керә. 2018 елда аны тәмамлый һәм Көнбатыш хәрби округына, Ленин орденлы Красносельск Кызыл Байрак армиясенең 138нче аерым гвардия мотоукчы бригадасына җибәрелә. Анда ул мотоукчылар взводы командиры булып хезмәт итә, ә 2020 елдан хәрби-сәяси эш буенча мотоукчылар ротасы командиры урынбасары вазифасына билгеләнә.

«Олег – бөтенләй стандарт булмаган кеше иде. Әтиебез, хәрби булудан тыш, программалаштыру белән дә шөгыльләнде, бу процессларны үзе өйрәнә иде. Шуңа күрә балачакта безнең һәрвакыт компьютер булды. Олег компьютер уеннары белән мавыкты, онытылып уйный иде», – дип искә ала Анна.

Компьютерлар белән мавыгуына карамастан, Олег һәрвакыт, яшьтәшләреннән калышмыйча, яхшы укый.

«Мәктәп елларыннан ук ул шигырьләр яза башлады. Аның янына дуслары килә, алар бергә рэп яза иделәр. Ул үзе гитарада уйнарга өйрәнде. Ләкин без аның мавыгуларына игътибар итмәдек. Үсә төшкәч, ул тагын да күбрәк иҗат белән мавыга башлады һәм, училищеда укыганда, үзенең беренче китабын – «Кораблик для принцессы»ны бастырды. Ул үзе китап чыгару өчен акча тапкан һәм соңыннан китапларны дусларына тараткан», – дип сөйләде Анна Талипова.

Олег үлгәннән соң ук, аның дусты Майя Ковалева аның шигырьләр һәм хикәяләр җыентыгын чыгарырга ярдәм итә. Алар бергәләп шигырьләр язган: Олег аңа 4 юллык шигырь җибәргән, ә Майя дәвам итә һәм аңа җибәрә, шулай алар бергә иҗат итәләр. Олегның хәбәрсез югалганын белгәч, без Майя белән таныштык һәм бергәләп аны эзли башладык. Төрле кешеләр аша, ЛНР һәм ДНРда танышлар аша. Олегның үлгәнен белгәч, Майя аның шигырьләрен җыярга тәкъдим итте. Ул үзе бу эш белән шөгыльләнә башлады, Олег дусларына җибәргән шигырьләрне туплады, дусларына язды. Шулай итеп, беренче җыентык туды», – дип сөйләде Олег Сорокинның апасы.

Олег төрле псевдонимнар белән төрле шигъри сайтларда шигырьләрен бастырган. Бу да аның эшләрен эзләүне катлауландырга, ләкин, тырышкач, аның барлык псевдонимнарын да белергә һәм шигырьләренең күбесен табарга мөмкин булды, дип уртаклашты офицерның апасы.

«Икенче җыентык Майя Олегның туган көненә килгәч туган. Әни Майяга Олегның җибәргән язмаларын күрсәткән. Анда шигырьләр күп иде. Хәзерге вакытта 3 китап чыкты. Без аларны үз акчабызга бастырабыз һәм дусларыбызга таратабыз. Аларны энемнең якыннары сорый: экземплярлар ул укыган лицейга, училищега, аның гаскәр частена җибәрелде. Барысы да бик тиз таралды», – дип сөйли Анна.

Олег шигырьләрендә үзенең язмышын алдан әйтеп биргән

Олегның шигырьләре бик тирән эчтәлекле, кайберләрен укыганда, ул үз язмышын үзе алдан әйтә кебек тоела.

«Мне отец ружьё подарил,

Чтобы я из него птиц полюбил.

Но я не любил, и не попадал,

И это спасало меня. (…)

Довольно я взрослый сейчас. И война.

Отца давно уже нет…

Сейчас мне пришлось по людям стрелять –

Но я не люблю. И не попадал.

Это погубит меня».

Олег төрле темаларга язган. Аның шигырьләре бернинди форматка да туры килми, алар күбрәк «Ак шигырьгә» охшаган. Ул әнисе, армия, табигать турында язган. «Табигатьне бик кадерли иде, чөнки ул Выборг районында хезмәт итте, анда табигать аеруча матур. Ул анда урманнар һәм кырларда берүзе йөреп илһам алган», – дип уртаклашты Анна.

Олег, шигъри конкурсларда катнашып, еш кына җиңү яулаган. «Без Элистага конкурска бардык. Олег анда 1нче урынны алды. Оештыручылар, Олегның үлгәнен белгәч, аның хөрмәтенә тагын бер конкурс үткәрергә карар итте. Әлегә Татарстанда мондый конкурслар үткәрелмәде, әмма без мондый конкурс үтүен бик теләр идек. Бик күпләр әлеге конкурска кушыла алыр иде. Элистадан да килергә әзерләр, хәтта Майя да, Мурманскида яшәсә дә, аны үзе оештырырга әзер. Ләкин безгә республика ярдәмен алырга кирәк, без әлегә кемгә мөрәҗәгать итәргә белмибез», – диде Анна.

Хәрби юлны сайлаган кешенең үзендә ике төрле сыйфатны – иҗат һәм армиядә хезмәт итүне ничек берләштергәнен күз алдына китерү авыр. Анна үзе дә моңа гаҗәпләнә.

«Мөгаен, һәр ул үзенең әти-әнисенә нәрсәгә дә булса ирешә алуын исбатларга телидер»

«Олег иҗади кеше иде, ләкин, әтиебез офицер булганлыктан, киләчәк һөнәрен билгеләргә вакыт җиткәч, әти аңа хәрби училищега керергә тәкъдим итте, һәм Олег ризалашты. Мөгаен, һәр ул әти-әнисенә нәрсәгә дә булса ирешә алуын исбатларга телидер. Ул бернинди проблемаларсыз укырга керде, ул гомумән бик тырыш кеше иде. Шул ук вакытта ул һәрвакыт иҗат та иткән. Шигырьләрне ул хезмәттәшләре белән бергә язган. Көндәлегендә язганча, ул яраткан шигырен нарядта булганда язган. Кар яуган, ул фонарьга карап торган һәм бер төн эчендә шигырь язган. Ул шигырь белән Олег конкурсларның берсендә җиңде», – дип сөйли Россия Героеның апасы.

Анна сүзләренчә, аның энесе балачактан ук патриот, ватанпәрвәр булган. Моңа гаҗәпләнергә дә кирәкми, чөнки алар офицерлар, аларның хатыннары һәм балалары арасында үскән.

Ул үз Ватанына ышанган, аңа тугры булган. Кем булырга, дигән сорау да тумады. Ул – аналитик фикерле кеше, ул замполит булып хезмәт итте, контракт имзалау өчен срочникларны агитацияләде. Ул моны бик яхшы эшләгән. Ул иҗади кеше булуына карамастан, эшләгән эшен ярата иде. Аның хезмәтендә зур уңышлары да бар иде», – дип билгеләп үтте ул.

«Ул шалтыратканда, телефоннан һәрвакыт атыш һәм шартлау тавышлары ишетелде»

«Ул еш шалтыратмады. Ул шалтыратканда, телефоннан атыш һәм шартлау тавышлары ишетелә иде. Ул безне куркытмаска, күңелсезләндермәскә тырышты. Ул безне борчымас өчен, «минем барысы да яхшы» дип әйтергә генә шалтырата иде. Аның тавышы һәрвакыт ышанычлы иде, әйтерсең лә ул бер секундка да аның белән барысы да яхшы булуына шикләнмәгән. Ул ешрак әнигә шалтырата иде, миңа һәм әтигә – сирәгрәк. Ул һәрвакыт шундый көр тавышлы иде, әмма соңрак без аның анда булган ай дәвамында аңа бик авыр булганын белдек», – дип уртаклашты Анна.

«Аларның бик авыр вакытлары булган – аларның провизияләрен бомбага тотканнар, һәм алар бер атна чәй генә эчеп торганнар»

Россия Героеның апасы энесе белән соңгы тапкыр телефоннан нәрсә турында сөйләшкәнен хәтерләми, чөнки ул һәрвакыт бер үк сүзләрне әйткән: «Минем барысы да яхшы».

«Ул 2 тапкыр фотолар җибәрде. Аларда ул көлә, елмая. Ул безнең рухи тынычлыгыбызны сакларга тырышты. Ләкин соңрак без аларның бик авыр вакытлары булганын белдек – аларның азык-төлек складын бомбага тотканнар, һәм алар бер атна чәй генә эчеп торган. Аларның бөтенләй ризыклары булмаган, һәм, күрәсең, алып килергә дә мөмкинлекләре булмаган, чөнки аларга тәүлек буе атканнар. Һәрвакыт атканнар», – дип искә ала Анна.

Хезмәттәшләре Олег соңгы сулышына кадәр үзенең шигырь юллары язылган дәфтәреннән аерылмавын сөйли. «Кызганычка, дәфтәр сакланып калмаган, документлар белән бергә югалган», – дип уртаклашты ул.

«Исән калган егетләрнең сөйләвенчә, Олег берничә яраланганны эвакуацияләгән, барысына да ярдәм иткән, барысын да яклаган. Ул аларны үзе медпунктка алып килгән. Бу – ул һәлак буласы коточкыч сугышка берничә көн кала булган», – ди Анна.

Олег 26 мартта һәлак була. Озак вакыт ул хәбәрсез югалган дип саналган. 4 июньдә генә туганнарына аның мәетен Ростов-на- Донудагы моргта хезмәттәше таныганлыгы турында хәбәр итәләр.

Шул сугышта Олегның подразделениесе урман полосасында кечкенә биеклектә позиция алган. Аларның бурычы – ВСУның контрһөҗүмен туктату һәм дошманның провизия һәм сугыш кирәк-яраклары ташыган Харьков – Чугуев юлын ябу. Артиллерия һәм миномет утларыннан соң дошман һөҗүмгә күчә. ВСУның тере көче Россия сугышчылары саныннан 10 тапкыр артык икәнен аңлап, чигенергә карар ителә. Сорокин һәм Петров, хезмәттәшләренә чигенергә мөмкинлек бирү өчен, атышырга калалар. Алар берничә сәгать атышалар, 2 пикапны һәм 20 ВСУ сугышчысын юк итә.

«Алар 3 мең кешенең һөҗүмен туктаттылар»

«Һөҗүм башлангач, минем энем һәм аның хезмәттәше – рота командиры Дмитрий Петров Украина гаскәрләре һөҗүм иткән сул флангтан килеп чыгалар. Чигенергә боерык бирелгәндә, аларга бары тик кире атарга гына мөмкин булган һәм шуның белән башка фланглардан егетләргә чигенергә мөмкинлек биргәннәр. Алар 3 мең кешенең һөҗүмен тотып торалар. Безнең егетләр, кайбер мәгълүматлар буенча, 250 кеше булган, аларның күпчелеге исән калган. Олег һәм Дима соңгы сулышларына кадәр каршы тора алган», – ди Анна Талипова.

Дмитрий Петров Марий-Элдан. Аның тол хатыны Анна белән элемтәдә тора. Дмитрийның 7 яшьлек улы калган.

«Җирле халык «ВКонтакте»да әтине эзләп тапкан һәм аңа Олегның үлгәнлеге турында язган: «Исәнмесез, сезгә шундый кеше танышмы? Кызганыч, ул үлде». Бернинди дә кимсетүләр булмады, бик хөрмәт белән яздылар һәм аның паспортының фотосын җибәрделәр. Бу – апрель башында иде. Ләкин без, аның документларын урлаганнардыр һәм безне шулай шантажларга булганнардыр, дип уйладык. Без бөтен хастаханәләргә шалтыраттык, аны эзләдек, аның исән булуына өметләндек. Һәм менә безгә шалтыраттылар һәм мәетләр арасында аны таныганнарын хәбәр иттеләр», – дип искә ала Анна.

«Энем белән хушлашырга бөтен Мамадыш килгән кебек тоелды»

«8е көнне җирләдек. Аның белән хушлашырга гәүдәсен моргта таныган хезмәттәше килә. Ул табутны өйгә кадәр озата килә. Аның белән саубуллашырга теләгән хәрбиләр дә күп була, әмма алар барысы да сугышта иде һәм килә алмады. Минемчә, аны җирләргә бөтен Мамадыш халкы килде. Кешеләр бик күп иде», – дип искә ала геройның сеңлесе.

1 елдан соң, 4 майда, ТР Рәисе Рөстәм Миңнеханов Муса Җәлил исемендәге опера һәм балет театрында Олег Сорокинның әти-әнисенә Россия Героеның алтын йолдызын тапшырды.

Олегка исән чагында ук «Батырлык өчен» медале бирелә. Бервакыт ул миңа шалтыраткач: «Аня, миңа бүләк вәгъдә иттеләр». Мин аңа: «Нинди бүләк? Иң мөһиме, исән-сау кайт», – дидем. Мин бу сүзләргә ул вакытта игътибар да итмәдем», – дип искә ала Анна.

Олег Украинадагы махсус хәрби операциядә 1 ай – 24 февральдән 26 мартка кадәр була. Ул өйләнергә һәм әти-әнисен оныклар белән сөендерергә өлгерми. Аңа нибары 27 яшь була.

А что же будет дальше? Безумная ночь. Сладкая ночь. Безжизненный день. А что же будет дальше?

Бессонная ночь. Сиреневый цвет. Тропический цвет. Ползёт муравьед. А что же будет дальше?

Рабочие дни. Песни в лесу. Последняя ночь. Смертельный укус. А что же будет дальше?

Испуганный вид. Моментный недуг. Уютненький гроб. Рыжий сюртук. А что же будет дальше?

Вскопнули песок. Исполнили гимн. Родился один. И умер один. А что же будет дальше?

Теперь выбирать. Туда или в Рай. Я выберу микс. И буду молчать. А что же будет дальше?..

Олег Сорокин.

Россия Герое Олег Сорокинның шигырьләрен шигъри сайтларда укырга мөмкин. Ул шигырьләрен «Олег Рублев», «Мартын Эдельвейс», «Максим Игоревич Рублев» псевдонимнары белән бастыра.