Җиңел атлетика буенча Россиянең спорт остасы, Россия чемпионы, Универсиада катнашучысы, җиңел атлетика буенча Татарстан рекордсмены Марат Аблязов сөйгәненә Бауман урамында тәкъдим ясаган. Ул әлеге яңалык белән үзенең социаль челтәрендә дә уртаклашкан. «Кыз кешегә аз кирәк – бриллиант белән йөзек булса җитә», – дип язган спортчы сөйгәне белән төшкән фото астында.
Видеодан күренгәнчә, ул кызның күзләрен йомдыра һәм алдына тезләнеп: «Син минем хатыным буласыңмы?» – дип сорый. Кыз тәкъдимне кабул итә. «Син теләгәнчә – бриллиант белән», – дип, Марат сөйгәненә йөзекне кидерә. Яшь парга бәхетле тормыш телибез!