Россия чемпионы, Чаллы егете Илнур Закарин яңа туган өченче баласының фотосын күрсәтте

Велоузышчы Илнур Закаринның улы туган. Бу турыда «Челнинские известия» яза.

Илнур улының фотосын социаль челтәрләрдә күрсәтте. Посттан аңлашылганча, балага Тимур дип исем кушканнар. Ул 3400 грамм авырлыкта туган.

Тимур – Илнурның өченче баласы, аның улы һәм кыз бар.

• Илнур Закарин – шосседа велоузышчы, ул 1989 елның 15 сентябрендә Чаллыда туган. Токио Олимпиадасында катнашты. Спорт карьерасы чорында халыкара бүләкләргә ия булды, ике тапкыр Россия чемпионы.