Россия белән Украина вакытлыча атышны туктату ихтималлыгы турында килеште
Тарафлар Белоруссиядә очрашты.
Белоруссиядә узган сөйләшүләрдә Россия һәм Украина делегацияләре гуманитар коридорлар булдыру турында килешкән. Шулай ук вакытлыча атышны туктату ихтималлыгы турында да уртак фикергә килгәннәр, дип хәбәр итә ТАСС.
Россия делегациясе җитәкчесе, РФ президенты ярдәмчесе Владимир Мединский белдерүченә, тарафлар гуманитар, хәрби мәсьәләләр һәм киләчәктә сәяси килешү турында сөйләшкән.
Россия делегациясе вәкиле Леонид Слуцкий гуманитар коридорларны «бик әһәмиятле» дип атаган. Куркыныч зоналарда булган кешеләргә якын арада аларны ташлап китәргә мөмкинлек булачак. Моннан да әһәмиятлесе юк, чөнки монда кеше тормышы турында сүз бара, дигән ул. Слуцкий гуманитар коридорларны булдыру механизмы турында аерым килешү кирәклеген, тагын бер очрашу булачагын искәрткән.
