Россия башлангыч шартларсыз гына Украина буенча диалогка ачык, дип белдерде тышкы эшләр министры урынбасары Сергей Рябков. Бу хакта РИА Новости яза.
«Мин бу позицияне раслап кына әйтә алам – без башлангыч шартларсыз сөйләшергә әзер. Без моңа элек тә әзер идек, Киев үзенең Көнбатыш кураторлары боерыгы белән сөйләшүне өзде, югыйсә, бу сөйләшү алга таба бара иде, ниндидер документ әзерләнде, ә хәзер бу үткәндә калды. Алга таба нәрсә булачагы бездән тормый», – диде Сергей Рябков.
Аның фикеренчә, «Әгәр Киевка тиешле башкалалардан боерык килсә, мондый сөйләшүгә шанслар артыр иде».
«Әмма бездә каршылыклар юк, һәм бу диалог башлангыч шартларсыз барырга тиеш», – диде министр урынбасары.