Роберт Миңнуллин әнисенең дәва ысулын искә ала: "Билен бал кортларыннан чактыра иде"
Халык шагыйре Роберт Миңнуллин үзенең Инстаграм челтәрендә балачак хатирәсе белән бүлешкән.
"Безнең Әнкәй умартачы да иде! Гомер буе умарта тотты! Безнең табында һәрвакыт бал булды! Бал аерту үзе бер рәхәт иде. Без әйләндереп торабыз. Җил белән җылы бал исе борыннарны кытыклый... Балны ипигә ягып ашыйбыз. Калын итеп ягып. Ул сыек, бармак араларыннан агып төшә. Өстәлгә үк агып төшмәсен дип, ялап алган булабыз... Ишек төбендә зур бер сөт бидоны тулы бал була иде. Ул кыш буена җитә. Бал бераздан куера, катып китә. Алюминий кашыклар сынып бетә иде", - дип язган ул.
Шагыйрь әнисенең яшьтән үк бал белән, бал кортлары белән дәвалануы хакында да язган.
"Әле дә хәтеремдә, радикулиттан интеккәндә билен бал кортларыннан чактыра иде. Көненә әллә ничә дистә корттан! Каяндыр укып белгәндер инде. Ул озак еллар "Крестьянка" журналын алдыра иде. Мөгаен, шуннандыр... Аннары прополистан төрле мазьлар, төнәтмәләр эшләргә яратты. Безгә дә әзерләп куя иде... Әнкәйнең үзен дә бал кортлары бик ярата иде. Безне чагалар иде, Әнкәйне чакканнарын бер дә хәтерләмим", - дигән ул.
Шагыйрь әнисенең яшьтән үк бал белән, бал кортлары белән дәвалануы хакында да язган.
"Әле дә хәтеремдә, радикулиттан интеккәндә билен бал кортларыннан чактыра иде. Көненә әллә ничә дистә корттан! Каяндыр укып белгәндер инде. Ул озак еллар "Крестьянка" журналын алдыра иде. Мөгаен, шуннандыр... Аннары прополистан төрле мазьлар, төнәтмәләр эшләргә яратты. Безгә дә әзерләп куя иде... Әнкәйнең үзен дә бал кортлары бик ярата иде. Безне чагалар иде, Әнкәйне чакканнарын бер дә хәтерләмим", - дигән ул.