Татарстан Республика клиник хастаханәсенең оториноларингологлары студент колагыннан таракан алганнар. Бу хакта клиниканың матбугат хезмәте хәбәр итә.
Таҗикстаннан килгән 23 яшьлек студент, сул колагында кискен авырту, шаулау һәм нәрсәдер селкенүне тоеп, хастаханәнең кабул итү-диагностика бүлегенә мөрәҗәгать иткән.
Тикшерү вакытында табиб Билал Галләмшин пациентның колак юлында таракан барлыгын ачыклаган һәм аны микрохирургия җайланмасы ярдәмендә чыгарган. Процедура уңышлы узган.