Татарстанның РКБ табиблары 58 яшьлек ир-атның бронхларыннан теш коронкасын алган. Пациент, йоклаган вакытта, үзе дә сизмәстән, протезы сулыш юлына керә. Бу хакта хастаханәнең матбугат хезмәтендә хәбәр иттеләр.
Әлеге хәлдән соң күпмедер вакыт узгач, ир-ат какырыклы йөткерүдән зарлана башлый. Шуннан соң ул яшәү урыны буенча поликлиникага мөрәҗәгать итә.
Фото: © РКБ
Күкрәк читлеге органнарына компьютер томографиясе үткәрелә. Бронхларда теш коронкасы табыла. Ир-атны РКБның 1 нче торакаль хирургия бүлегенә госпитализациялиләр.
Торакаль хирурглар, бронхолог һәм анестезиолог-реаниматологтан торган докторлар командасы, гомуми анестезия астында, эндоскоп ярдәмендә чит матдәне ала. Ир-ат берничә көннән өенә чыга.
Фото: © РКБ
