Ризат Рамазанов белән Зинираның әтисе ишегалдында көймәдә йөзә
Җырчы бабасы белән төшкән кызык фото куйган.
Ризат Рамазанов Зинираның әтисе белән коры җиргә куелган балалар көймәсенә утырган фото куйган. Фото янына: «Кем бүген кая бара, ә без бабай белән балыкка киттек», — дип язган.
Инстачылар Ризатның «киттек» сүзенә бәйләнгән: «Китәргә язмасын, барабыз дип сөйләш», «Кузгалдык дияргә була».
Җырчы бу фото белән виртуаль дусларының күңелен күтәргән. Алар шат смайликларны кызганмаган.
«Кичә күбрәк булган, ахры»;
«Буген көн матур түгел, әллә ни ерак барып булмас»
«Кәефне күтәрә торган фото»;
«Коронавирус үзизоляциясе чагылышлары сизелә»;
«Бата күрмәгез»;
«Көймәгез тишелеп, батмагыз, күле тирән күренә»;
«Кәккүк әллә кайчан кычкырды инде, су коенырга вакыт»;
«Бик еракка юл тоткансыз икән. Битлегегез кайда соң?» - дип шаярткан җырчы гаиләнең виртуаль дуслары.
«Ризат, көймәдә генә түгел, Казанга концертлар куярга самолетта очып кайтырга язсын», — дип язган тугры тамашачы.
Җырчыны бабасына, бабасын җырчыга охшатканнар: «Үз әтиең дип торам, охшагансыз», «Бабаегыз белән бер-берегезгә охшагансыз».