Җырчы Ризат Рамазановлар «Интертат»ка җәйне ничек уздыруларын сөйләде.
«Гадәттәгечә инде тырышабыз, тырмашабыз. Гөрләтеп Сабантуйларда эшләдек. Яңа сезонга әзерлек эшләре башланып китте, костмнар тектерәбез.
Хәзер төркемебезгә яшь, талантлы биюче һәм музыкант егетләр җыябыз. Мин үзем төркемебезнең администраторы булгач, афишалар тарату эшенә керешергә җыенам. Гастрольләрне Башкортстан якларыннан башларга ниятлибез.
Узган атнада авылга кайтып килдек. Кышка әзерлекне башлап, Зинира, балалар белән 3 арба утын кертеп өйдек. Кабат мунчалар кереп, азрак ял итеп килдек.
Балалар үсте, чын ярдәмчеләребез инде, Аллаһка шөкер. Кызыбыз инде 4нче сыйныфка бара. Кечкенә малайга 2 яшь тулды. Аны көзгә бакчага бирергә җыенабыз. Җәй көне бирмичә торырга булдык. Чөнки без гастрольләрдән кайтып кермибез, балаларны яз-кыш күрмибез диярлек, Казанга килеп, әни карый. Җәй көне булса да вакытны балалар белән бергәләп үткәрәсе килә», – диде җырчы.