Ризат белән Зинира Рамазановлар М7 юлында коточкыч зур бөкегә эләккән
Ризат белән Зинира Рамазановлар М7 юлында коточкыч зур бөкегә эләккән
Ризат белән Зинира Рамазановларның Менделеевскида концертлары булырга тиеш иде. Әмма җырчы гаилә М7 юлында зур бөкегә эләккән.
Башта Ризат "аз гына көтегез, без килеп җитәбез. Аз гына сабырлык. Юлларда сак булыгыз", - дип ышандыра.
Әмма бөкедә утыру озакка киткән, алар Менделеевскига барып җитә алмаган. Җырчы гаилә тамашачылардан гафу үтенә.
"Без һаман М7 юлында зур бөкедә утырабыз. Кызганыч, килергә өлгермибез. Концертны апрельгә күчерәбез. Билетлар үз көчендә кала", - дип язган Рамазановлар Инстаграмда.
"Юлларда исән-сау йөрегез!", - дип тели инстачылар.