Ришвәт алып көллияткә укырга керткән өчен: Татарстанда акчага табынган педагогны суд көтә

Татарстанда 66 яшьлек хатын-кыз «ришвәт алу» һәм «вазыйфаи вәкаләтләреннән явызларча файдалану» маддәләре буенча гаепләнә.

ТР прокуратурасы хәбәр иткәнчә, 2020 елда ул, Казан медицина көллияте директоры буларак, «Демография» милли проекты кысаларында 843 мең сумнан артык белем бирү хезмәте күрсәтү турындагы актларга кул куйган. Ә укулар үткәрелмәгән.

Моннан тыш, 2022 елда хатын-кыз, арадашчылар аша, колледжга керү имтиханнары нәтиҗәләренә карамастан, абитуриентлардан 6,8 млн сумнан артык ришвәт алган.

Җинаять эше карау өчен судка җибәреләчәк. Арадашчыларга һәм ришвәт бирүчеләргә карата җинаять эшләре аерым производствога бүлеп бирелгән.