Ришат Төхвәтуллин сәләтле балалар өчен музыкаль продюсерлык үзәге ачкан

«Сәйлән» телевизион балалар проектында жюри буларак чакырулы идем. Халкыбызның талантларга бай булуына тагын бер кат инандым. Конкурстан соң, балалар белән аралашкач, мин аларның төп проблемаларын ачыкладым: бу — музыкаль яктан бизәлеш, үз яшенә туры килмәгән репертуар сайлау һәм, әлбәттә, тавыш кую, вокал техникасы белән бәйле кыенлыклар.

Һәм шунда чын мәгънәсендә сәләтле балаларга яңа дәрәҗәләргә күтәрелергә ярдәм итәрдәй музыкаль продюсерлык үзәген (лейбл) ачу идеясе туды», — дип язган Ришат үзенең инстаграм сәхифәсенә.

Җырчы инстабитендә булачак үзәкнең аккаунтын да билгеләгән. 

"Гади гаиләдән чыккан, талантлы, моңлы балаларны син күреп алып үстерсәң генә инде, Ришат. Балаларның да, синең дә хыялларыгыз чынга ашсын»;

«Башлаган эшегез нәтиҗәле булсын», — дип язганнар җырчының инстадуслары һәм Ришатка уңышлар теләгәннәр.