Ришат Төхвәтуллин Минтимер Шәймиев турында җыр яздырган
Җырның сүзләрен һәм көен Зифа Нагаева иҗат иткән.
Ришат Төхвәтуллин Татарстанның беренче Президенты, Дәүләт Киңәшчесе Минтимер Шәрипович Шәймиев турында җыр яздырган.
«Әйткән фикере, кылган гамәлләре, зирәклеге, тормыш принциплары белән үрнәк була алырдай кешеләр сирәк туа. Аларга карап горурланасың, үз-үзеңне тәрбиялисең, лаеклы шәхес булырга омтыласың. Шундый кешеләрнең берсе, минем өчен генә түгел, сезнең өчен дә шулайдыр дип уйлыйм Минтимер Шәрипович Шәймиев.
Минтимер Шәрипович кебек милләт өчен, республика өчен җан атып яшәүче, акыллы, зирәк, төпле фикерле, ышанычлы сәясәтчеләр яңа буын яшьләр арасыннан да үссен иде.
Җырның авторы Зифа Нагаевада бу теләкләргә кушыла», — дип язган Ришат.
Ришат җырны беренче тапкыр Казан концертында башкарган. Җырчы белән бергә Минтимер Шәриповичны халык та басып тәбрикләгән.