Ришат Төхвәтуллин кызлар турындагы сорауларга җавап бирде
Популяр җырчы экспресс-интервьюда бер серен ачты.
Җырчы Ришат Төхвәтуллин экспресс-интервью әзерләргә булган. Инстадашлары сорау бирә - Ришат җавап әйтә.
Сорауларга җавапларны Ришат машинада барганда бирә.
Әлбәттә, интервьюда кызлар турында сорау булмый калмас, Ришат бит күп кызларны кызыктырып йөрүче буйдак!
"Сиңа кызларда нинди сыйфат ошый?" дигән сорауга җырчы "Сабырлык" дип җавап биргән.
Ришат шулай ук озын чәчле кызларны ошатуын әйткән.
Моңа кадәр "Ришат Төхвәтуллин нинди кызларны ошата?" дигән сорауга җавапны аның белән җырлап йөрүче кыз Алия Карачурина әйткән иде.
