Ришат Төхвәтуллин беренче тапкыр Казан метросына утырган
«Метрода кызлар күп йөри, ябышмасыннар», - дип кайгырган җырчының фанатлары.
Җырчы Ришат Төхвәтуллин Казанда 2012 елдан бирле яшәвенә карамастан, метрода беренче тапкыр йөрүе турында язган. Фотога төшеп, инстаграмга пост урнаштырган.
Инстачылар арасында әлеге постны төрлечә кабул итүчеләр очраган.
«Кайвакыт күктән җиргә төшәргә кирәк», «Бу шактый тәкәббер яңгырады», — дип язган бер төркем виртуаль дуслары.
«Алай димәгез, безнең Ришат халык белән бергә, йолдызланмады», «Безнең Өсән буенда үскәннәргә шапырынырга кирәкми, аларны халык күтәрә, Ришатны да», — дип яклаган икенчеләре.
«Күптән шулай йөрергә кирәк», — дип киңәш бирүче дә, «Метрода кызлар күп йөри, ябышмасыннар», — дип кайгыртучы инстачылар да табылган Ришатның фанатлары арасында.