Ришат Фазлыйәхмәтов кызлардан «мунчага барыйк» дип язмауларын сораган
Җырчы туган көненә биргән себеркеләр өчен нык сөенгән.
Ришат Фазлыйәхмәтовның мунча яратуы һәм мунчада ярымшәрә фотога төшүе сер түгел. Бу юлы да ул мунча турында тәмләп язган. Мунчага барырга компания эзләвен, әмма кызлардан «мунчага барыйк» дип язмауларын зинһарлап сораган.
«Казан читендә йорт түгел, бер зур мунча салып куясы килә, көн дә мунча керерлек булырлык итеп. Юк, бу нормаль хыял түгел бит инде, җәмәгать? Нинди мунча җене йоккандыр миңа?
Төштә дә мунча күрәм. Ул туган көнгә биргән себеркеләрегез өчен сөенеп туя алмыйм! Мең рәхмәт!
Дөресен әйткәндә, мин төрле җирдәге мунчаларны бик яратып бетермим. Атна саен мунчага йөрү бер традициягә керде. Кем минем белән икенче атнада мунчага бара? Кызлар, сез язмагыз инде яме, зинһар өчен», — дигән җырчы.