Ришат Фазлыйәхмәтов инстачыларга: «Минем Эльмирамда сезнең эшегез юк»
Җырчы очрашып йөргән кызын яклап язган.
Җырчы Ришат Фазлыйәхмәтов очрашып йөргән кызы белән төшкән фото куйган һәм инстачылар аның турында язган комментарийларга нокта куйган.
«Минем Эльмирам сезгә ошыймы, ошамыймы?! Ясатылганмы? Ясатылмаганмы? (Инстачылары иреннәр күперткән дип язган иде). Сезнең анда эшегез юк! Минем Эльмирам бик матур! Спорт белән шөгыльләнә, үзенә игътибар бирә! Шуның өчен мин аны бик хөрмәт итәм, яратам. Мине гел сөендереп, күзләремне иркәләп кенә тора! Рәхмәт аңа!» — дип язган ул.
Җырчының бу сүзләрен ике меңгә якын кеше укыган, әмма комментарий яза алмаганнар. Җырчы комментарий язуны чикләгән.
«Сезнең дә егетегезне, ирегезне сөендереп, яраттырып кына яшәвегезне телим», — дип тә теләгән җырчы виртуаль дусларына.