Ришат Фазлыйәхмәтов авылда сөйгәне белән ял итә, битенә массаж ясата
Җырчы үзизоляцияне ничек уздыруы турында видеолар куйган.
Ришат Фазлыйәхмәтов авылда үз-үзеңне изоляцияләү чорын шәһәрчә үткәрә. Бер видеода сөйгәне белән күнегүләр ясый. Икенчесендә маникюр һәм битенә массаж ясата.
«Карантинда болай ук булыр дип уйламаган идем. Тик ятмыйбыз. Эш белән шөгыльләнәбез», — ди Ришат битенә массаж ясатканда төшерелгән видеода.
Икенче видеода сөйгәне белән күнегү ясаган саен үбешеп алалар. Шуңадыр, видео янына: «Яратканнар өчен күнегү», - дип язган җырчы.
Инстачылар Ришатның тиң ярын очратуы белән котлаганнар һәм бәхетле булуын теләгәннәр.
Җырчының виртуаль дуслары төрле комментарийлар язган:
«Ә сез бергә торасызмы инде? Молодцы!»;
«Кешенең өйдә утырып, тыйнаклыгы бетте. Әдәпсез күренешләр экранга күбрәк чыга башлады, бигрәк тә сәхнә кешеләренең йөзе ачыла башлады»;
«Карале, нык шәп гимнастика бит бу»;
«Ришат, бәхет тынлыкны ярата»;
«Энем, кыланып та күрсәтәсең инде!»;
«Бирә кирәген кыланып»;
«Ул гына тугел, барысы да шулай хәзер. Бер Ришат кына калмас инде, ул да сәхнә кешесе!»;
«Миңа да бер көнгә биреп торыгыз әле мастерларыгызны»;
«Кызлар җыеп, үзеңә ялчы итәсең. Солтан дип белерсең»;
«Бик кадерле булып, матур итеп уздырасың икән карантинны»;
«Рәхәт сиңа»;
«Нишләп кенә бетәргә кирәк, эшләмәгәч тә»;
«Үзен карый белә икән кеше, бик әйбәт. Әмма сине макияжсыз да яратабыз Ришат дус».