Блогер Гөлия Вәлиәхмәтова социаль челтәрдәге сәхифәсенең 3 еллыгына багышланган хәләл кичә үткәрде. Анда күпсанлы блогерлар белән җырчыларның да «иң-иң»нәре чакырылган иде. Шуларның берсе – Ришат Төхвәтуллин.
Видеоларда күренгәнчә, Ришат Төхвәтуллин кичәнең актив кунагы булган. Филүс Каһиров белән дуэт та җырладылар, беренче биюләрен дә башкардылар. Шулай ук хатыны Алия белән уеннарда да катнашты, «Тиңләдем» җырын башкарып, кичә хуҗабикәсе белән ирен дә биетте.
Блогер кызлар Ришат белән фотога төшәргә «чират баскан», ә җырчы үзеннән башка гына фотога төшәргә җыенучыларга комачаулап йөргән. Соңыннан җырчы блогер кыз белән биеп, кичә кунакларын «кыздырган».