Җырчы Ришат Төхвәтуллин командасына биюче егетләр һәм кызлар эзли. Бу хакта ул социаль челтәрдәге сәхифәсендә хәбәр итә.
Шулай ук җырчы биючеләрне видео һәм резюме буенча сайлап алачагын әйткән.
«Дөресен әйткәндә, мин биергә яратмыйм. Ләкин минем төркемемдә иң яхшы хореограф эшли. Быел ул игътибарын биючеләргә генә түгел, миңа да юнәлтте. Өйрәнмәү гөнаһ булыр!» – дип язган иде җырчы элек социаль челтәрдәге сәхифәсендә.
«Тавышы белән кызыксындыра алмаган артистлар биесеннәр, ә сез җырлагыз гына. Халык сезнең моңлы, уникаль тавышыгызны тыңларга дип килә. Биюегез җырлау дәрәҗәсендә үк түгел, шуңа күрә биемәвегез яхшырак. Уңышлар сезгә!» – дип, комментарий калдырганнар иде ул вакытта.
