Ришат Төхвәтуллин өйләнә!
Татарстанның һәм Башкортстанның атказанган артисты тиздән «камыт киячәк»! Ул кичә булачак хатынына тәкъдим ясаган.
Ничә еллар буе тамашачылардан яшереп саклаган кыз ул – Ришат төркемендә эшләүче Алия Карачурина.
Ришат шушы көннәрдә Уфада концерт куйды һәм туган көнен билгеләп узды. Социаль челтәргә куелган видеодан күренгәнчә, Ришат Алиягә табын артында тәкъдим ясаган.
«Бу – клип съемкалары түгел. Ул «әйе» диде», – дип язган Ришат видео астына.
«Күпләр минем җырларда җырланган мәхәббәтемне тизрәк табуымны теләде. Ул һәрвакыт минем янымда иде», – дип язган Ришат.
Ришат белән Алиянең яшерен мәхәббәтен барлык халык яратып күзәтте. Яшьләргә тигез тормыш телибез!
