Татарстанның һәм Башкортстанның атказанган артисты Ришат Төхвәтуллинны күпләребез җырчы буларак белсә дә, ул шәп итеп кенә баянда да уйный әле. Өйдә, иң якыннары белән гармунда уйнап, җырлашып утырганнарын күргәнебез булса да, җырчы баян тотып сәхнәләргә чыкмый. Болгар радиосы»ның «Иртәнге чәй» тапшыруына кунакка килгәч, алып баручылар Ришатка бу турыда сорау биргәннәр. «Нигә үзең уйнап җырламыйсың?» – дип сораганнар алар Ришаттан.
«Мин үземне баянчыга санамый. Мондый баянчылар булганда яннарында баян күтәреп тору килешмәс тә, оялам да. Буталуым да бар», — дип сөйләгән җырчы.