Ришат Төхвәтуллин, җиңнәрен сызганып, коймак пешерергә тотынган, беренче коймагы гына төерле чыккан.
«Дөрес пешерәмме икән, май салалармы?... Май салырга куштылар, салдым инде. Төтен чыга башлады», – дип, сөйләнә-сөйләнә, аш бүлмәсендә «кайнаша» җырчы.
Ришат башта коймакны майсыз табада көйдерә, аннары камырын мул майда «йөздерә». Үзе шушы процесстан тәм табып рәхәтләнеп көлә.
Камыр беткәнче, җырчының коймак пешерергә өйрәнгәненә шик юк кебек.