«Бу тормышта усал булырга кирәк», – дип язган социаль челтәрдәге битендә Ришат Төхвәтуллин.
Җырчының иҗатын яратучыларның күбесе, усал булу өчен «шундый булып туарга» кирәк, дигән фикер белдергән.
«Сез андый түгел һәм андый булмаячаксыз да. Сезнең тәрбия икенче, сезнең гаиләдә кешеләрне ачуланырга, яратмаска өйрәтмәгәннәр»;
«Нигә алай уйлыйсың? Усаллык болай да җитә»;
«Бәхетле кешеләр явыз була алмый»;
«Килешәм. Кызганычка, нечкә күңелле, яхшылык тели торганнарны таптыйлар»;
«Бу сүз шоу бизнес турында дип уйлыйм. Усал булмасаң – изәләр. Тыныч, оялчан, яхшы булсаң, сине күрмиләр дә, әрсезләр күтәрелә»;
«Һәркемгә үзенеке кире әйләнеп кайта»;
«Сиңа нигә усаллык, шундый сәләтең була торып? Начарлык белән алга барып булмый»;
«Ул инде Ришат Төхвәтуллин булмаячак»;
«Сездән мондый фикер ишетермен дип уйламаган идем. Бөтенләй дөрес фикер түгел», – кебек күпсанлы комментарийлар калдырган тамашачылар.