Ришат Фазлыйәхмәтовның хәле яхшырган. Җырчы үзе өчен борчылып торган тамашачыларына, янәшәсеннән китмәгән хатынына, хәлен белешкән коллегаларына рәхмәт әйтеп, видео яздырган.
«Зур рәхмәт әйтәсем килә хатыныма. Сезгә минем турыда бөтен мәгълүматны күрсәтеп, җиткереп барды. Ул бик каты борчылды. Чыннан да мин реанимациягә эләктем, 2 көн реанимациядә яттым. Белмим, ни булганны үзем дә аңламый калдым.
Монда табиблар бик көчле. Аларга рәхмәт яусын. Хөрмәтле дусларым, хәлләремне белешкән коллегаларыма да рәхмәт. Хәзер әкренләп җайлашып киләм. Тиздән аякка басабыз. Әле җырлыйсы җырларым күп, сезнең белән күрешәселәр алда», – дигән Ришат.
- «Кич белән хәле начарайды...» – Ришат Фазлыйәхмәтов реанимациядә
- Ришат Фазлыйәхмәтовны реанимациядән палатага күчергәннәр
- «Ул яшәү белән үлем арасында иде»: Ришат Фазлыйәхмәтов белән нәрсә булганлыгы билгеле
