Ришат Фазлыйәхмәтовның Тәтишкасы киңәш сорый: «Зәвыгым яхшы булу турында еш язасыз...»
Ришат Фазлыйәхмәтовның хатыны Эльмира социаль челтәрдә, татар эстрадасында эшләүдән тыш, үзен яңа юнәлештә сынап карарга теләве турында сөйләде.
«Миннән киемнәрне каян алуым, кайда тектерүем белән күпләр кызыксына. Бәлки, миңа үз киемнәр линиямне ачып җибәрергәдер. Бу – бик катлаулы сорау, әлбәттә. Шуңа күрә миңа сезнең киңәшегез кирәк. Иртәгә Мәскәүгә китәм, анда бер дизайнер белән очрашып сөйләшергә җыенам.
Бу теманы дәвам итсәк, статистика өчен сәүдә үзәкләрен карап йөрим. Санкцияләр кертелгәннән соң, бездә Европадан килгән кием-салым сатылмый диярлек. Кичә «Парк Хаус»та бер кибет таптым, алай да. Безнең Россиядә спорт киемнәре табуы да кыен…
Миңа зәвыгым яхшы булу турында еш язасыз, сездән җаваплар көтәм», – дигән ул.
