![Ришат Фазлыйәхмәтовның иң зур хыялы тормышка ашкан](https://intertat.tatar/resize/shd/images/uploads/news/2024/1/3/e5027635b9e41e0daaa26a540bdde0ff.jpeg)
Ришат Фазлыйәхмәтов үзенең иң зур хыялы тормышка ашуы турында сөйләгән. Җырчы остазы Салават Фәтхетдинов белән уртак концерт куя.
«Салават шәкертләреннән имтихан алуны дәвам итә. Чиратта – Ришат Фазлыйәхмәтов. Анда сез дә була аласыз. 17 февраль «Пирамида»да узачак. Остаз – Татарстанның халык артисты Салават Фәтхетдинов җырлары да, шәкерт – популяр артист Ришат Фазлыйәхмәтов җырлары да яңгыраячак. Юмор, уен-көлке, остаз белән шәкертнең моңа кадәр билгеле булмаган серләре, тарихлары фаш ителәчәк.
5 февраль көнне миңа 35 яшь тула. Салават абый белән концерт кую – иң зур хыялым иде, дуслар. Әлеге белдерүне укыганнар: «Салават абый белән дуэтлар булачакмы?» – дип яза. Анысы сер булып калсын», – дигән җырчы.
«Ришат, син чыннан да – Салаватның яраткан шәкерте. Сизелеп тора ул», «Моннан да яхшырак хәбәр булуы мөмкин түгел. Яңа елга бүләк булды бу», «Бу – 2024 елның иң шәп концерты булачак. Котлыйм сезне», – дип язып калдырган Ришат белән Салават Фәтхетдиновның иҗатын яратучылар.