Ришат Фазлыйәхмәтов блогер Олеся Леснаяның сорауларына җавап биргән.
– Тавышыңның яхшыртыр өчен көнгә ничә күкәй эчәсең?
– Бер тапкыр эчерттеләр, кире чыга.
– Тәтишканың гәүдәсенең кайсы өлеше сиңа ошый?
– Күкрәге әйбәт.
– Сәхнәгә чыкканчы «чирттерәсеңме», әллә чыгып кергәчме?
– Элек «чирттерә» идем, хәзер чыкканда да, чыкмаганда да «чирттермим».
– Элеккеге хатының кара исемлектәме?
– Белмим, аралашканым юк.
– Гаилә бюджетын кем алып бара?
– Үзем алып барам, Тәтишка акча сораса, ротациягә азрак кына бирәм.
– Банкетта ничә мең аласың?
– Үзем генә киләм икән, 50 мең сумннан башлана.
– Ничә җыр өчен?
– 20 буламы, 30мы…
– Кызык хәлгә калганың бармы?
– Чүпрәле Сабан туенда җырлыйм, яңа тектергән костюмнан идем, сәхнәдән сикереп төштем дә өзелеп китте, каеш такмаган идем. Халык көлә. Кызыл трусик кигәнмен икән, ак чалбардан күренеп тора.
– Бүген нинди төстәгене кидең?
– Кара.