Ришат Фазлыйәхмәтов: «Пиар ясыйсы килсә, мин аны беренче хатын белән ясаган булыр идем»
«Интертат» сайтында «Ришат белән Тәтишканың аерылышу-кушылуы пиар булганмы: артистлар фикер белдерә» дигән язма чыккан иде. Ришат Фазлыйәхмәтов, бу язмага җавап йөзеннән, үзләре турында комментарий биргән җырчыларга рәхмәт белдергән һәм бу хәлләрнең пиар булмавын тагын бер кат ассызыклаган.
«Дуслар, журналистлар язма куйган. Артистлар безнең турыда интервью биргәннәр. Барысына да бик зур рәхмәт.
Безнең турыда «пиар ясаган» дип сөйлиләр инде бик күпләр. Пиар түгел, пиар ясыйсы килсә, мин аны беренче хатын белән дә ясаган булыр идем. Пиар ясар өчен халыкны шаккатырырга кирәк. Эльбруска менеп, мәсәлән. «О, Ришат Эльбруска менгән икән», – дип сөйләсеннәр өчен.
Тәтишка белән 4 ай бергә тормадык. «Ришат, син ябыгып, тартылып киткәнсең. Күзләрең моңсу, нур да юк», – дип әйтәләр иде. Инде хәзер Тәтишка белән кушылдык. Бар да яхшы, күзләр дә янып тора, авырлык та җыя башладым. Кемнәр безнең белән булды, рәхмәтебезне белдерәсебез килә. Хейтерларга аерым рәхмәт. Алдагы көннәрдә дә бергә-бергә яшәргә язсын», – дигән җырчы.
Ришатына җавап итеп, Тәтишка: «Тәк, Эльбрус – кызык тема. Бәлки, чынлап та? Мин каршы түгел», – дип комментарий калдырган.
«Үзең туктамасың, кеше туктамый. Үзең биреп торасың чәйнәрлек азык»;
«Алдама инде, пиар булды. Сөйләделәр, кызыксындылар бит»;
«Һаман бер балык башы», – дип язган калганнар.
«Ура, теманы яптык», – дип, сөенүен дә яшермәгән берсе.