Берничә көн элек Ришат Фазлыйәхмәтов тормыш иптәше Эльмира (Тәтишка) белән сторис куйган иде. Хатынына күп көч сорый торган тренировкаларга йөрергә рөхсәт итмәвен әйтте, чөнки алар әти-әни булу турында хыяллана. Шуннан соң аларга күп кенө сораулар яудырганнар. Шуңа артист ачыклык кертә.
«Бала планлаштырабыз, дип сторис куйган идем. Нигә Эльмирага авыр күтәрергә кушмадым? Чөнки табиблар, хатыныңа авыр күтәртмә, диде. Шуңа Эльмира әлегә гантель, штанга күтәрми спортзалда. Йөгерә, йөзә, башкалары.
Дуслар, 2 ел тырышабыз. Дуслар да, танышлар да «кайчан бала алып кайтасыз» диләр. Хәзер дә тикшеренүләр үтәбез. Сөенечле хәбәрләребез булса, сезнең белән уртаклашырбыз», – дип сөйли ул.