Җырчы Ринат Рахматуллинның хәрби операциягә җыенуын хәбәр иткән идек.
«Дөньябыз матур, дөньябыз рәхәт, дибез. Төрле мөнәсәбәтләр бар. Менә сугыш бара. Мин дә СВОга җыендым әле, сәфәр тотам, Аллаһ кушса. 7 июльдә гуманитар ярдәм белән Украинага китәм. Үзебезнең якташлар янына барып кайтмыйча булмый. Мин аны озак уйладым. Ул миңа кирәк, мин анда булырга тиеш. Мин сугышка бармыйм, мин барып җырлап, үзләребезнең бүләкләрне, машиналар биреп кайтабыз, Аллаһ кушса», – дигән ул концертларның берсендә.
7 июль көнне ул, Волгоградны узып, Ростовка таба баруларын хәбәр итте. Ринат Рахматуллин хәрби операция зонасына, яраланып кайтып, сәламәтләнеп, операциягә кире баручы хәрби белән һәм дусты Фәнис Фәритович белән бара.
«Безнең белән булганың өчен рәхмәт», – ди җырчы хәрбигә.