Ринат Рәхмәтуллинга яшь кыз: «Ә мин сезгә бирмәс идем»
Җырчының беренче вайны бик кызык килеп чыккан.
Җырчы Ринат Рәхмәтуллин алып баручы, блогер Булат Гыйләҗев белән вайннарда төшә башлаган.
Кепка, күзлек кигән, таякка таянган Ринат Рәхмәтуллин (бабай ролендә) яшь кыз (Булат Гыйләҗев) белән очрашуга килә.
Елмаешып күрешкәч, кыз: «Бабай, бабай, ә сезгә ничә яшь» — дип сорый.
«Әй, кызым, минем яшь әйтә торган вакыт түгел инде», — ди бабай.
«Алай да, әйтегез инде, ничә яшь?», — дип бәйләнә бу кыз.
«Миңа сиксән инде, кызым», — ди ул.
«Ә мин сезгә бирмәс идем», — ди кыз.
«Миңа хәзер кирәк тә түгел инде ул», — дип елмая бабай.
Вайнны инстачылар да ошаткан. «Оста уйныйсыз», «Шәп, булдыргансыз», «Булганнан бар да була» — дип язганнар.