Римма Никитина бу көннәрдә Шри-Ланкада ял итә. Җырчы ялның күңелле мизгелләре һәм «кайнар» фотолары белән бүлешеп бара. Кыскасы, бик шәп ял итә. Өстәвенә, хыял утравына килгәч, Римма үзенең «гомер буе көткән ярын» да очраткан – урам уртасында «өйләнер өчен татар кызы эзлим» дигән язу тотып торган озын чәчле, сакал-мыеклы бер егетнең муенына барып сарылган. Римма Никитина егетнең дә күңеленә хуш килгән.
«Мин кияүгә чыгам» дип язып, Римма әлеге видеоны социаль челтәрләргә куйды. Дуслары җырчы өчен сөенешеп: «Туйга киләбез»», «Эх, бәйрәм итәбез икән», «Шәп күренәсез», – дигән комментарийлар язып калдырганнар. Римма исә аларга: «Шри-Ланкада көтәм», – дип, җавап язып калдырган.
«Чукчага барып асыланасың гына калды инде», – дип тәнкыйтьләүчесе дә табылган.