Рим Папасының 78 яшьлек табибы коронавирус белән авырганнан соң үлгән
Рим Папасы Франциск киләсе атнада коронавирустан прививка ясатырга җыена.
Рим Папасының шәхси табибы Фабрицио Соккорси коронавирус йоктырган һәм онкология авырулары катлауланудан вафат булган. Бу турыда РЕН ТВ хәбәр итте.
«78 яшьлек Романоны онкология патологиясе аркасында хастаханәгә салдылар. Ул COVID-19 дан соң барлыкка килгән өзлегүләрдән вафат булды», диелә Vatican News сайтында.
AFP сайты белешмәсе буенча, Рим Папасы үзе киләсе атнада коронавирустан прививка ясатырга җыена.
Соккорси 1942 елның 2 февралендә Римда туган. Ул Ватиканда Сәламәтлек саклау һәм гигиена идарәсе консультанты, Изгеләр эшләре буенча конгрегациядә медицина консультацияләре буенча эксперт булып эшләгән.
2015 елда Франциск Соккорсины үзенең шәхси табибы итеп сайлаган, диелә хәбәрдә.
Рим Папасы Францискка 84 яшь.
