Рим Папасы Франциск вафат булган. Бу хакта «Reuters» агентлыгы Ватиканга сылтама белән хәбәр итә. Аңа 88 яшь иде, дип хәбәр итә «РИА Новости».
Әле 1 ай элек кенә – 23 мартта аны хастаханәдән чыгарган булганнар. Ул пневмония кичергән.
Рим Папасы вазифасына ул 2013 елда билгеләнә һәм тарихта беренче Көньяк Америкалы Папа була – Франциск Аргентинада туган.
Рим Папасы халык алдына соңгы тапкыр дин тотучыларга Пасха юлламасы белән мөрәҗәгать иткән көнне чыккан.
Ул бүген Мәскәү вакыты буенча 8:35 сәгатьтә вафат булган.
