Рифат Зарипов Тямаев бүләк иткән көрәк белән кар көри: «Минем инструмент түгел икән»
Артистның унсигез еллап кар көрәгәне булмаган.
Рифат Зарипов йорт каршында кар көрәгән сторислар куйган.
«Үз өемдә ямьле миңа кар көрәү мизгеле дә», — дип җырлыйсы килә. Көрәк тотмаганга 18 еллап вакыт үткән булгандыр инде. Бер дә минем инструмент түгел икән. Миңа «раз, раз, раз, два», — дип әйтерлек микрофон кирәк. Бер дә рәхәт эш түгел икән», — дип сөйли ул көрәк сабын тоткан килеш.
Кар көри торган зәңгәр көрәкне былтыр Фирдүс Тямаев бүләк иткән булган икән.
«Узган елны, пандемияле вакытта бу көрәкне Фирдүс Тямаев бүләк иткән иде. „Дустым, бик авыр булганда көрәккә карап торырсың“, — диде. Менә җиңеләйтеп җибәрде әле. Рәхмәт Фирдүскә, чыннан да ул бүләк иткән көрәк», — дип сөйли артист.
