Гастрольләр сезоны артта калды, Сабантуйлар узды. Инде ял итәр вакыт булса да, җырчы Рифат Зарипов үзенең вакытын бушка уздырмый. Ул шактый җитди рәвештә бакчачылык белән шөгыльләнгән бугай. Югыйсә, җиләкләре шундый эре булырлар идеме икән? Бакча җимеше ул карап торганда гына сөендерә. Артист үзенең беренче уңышын да күрсәтә, һәм әйтергә кирәк, Рифатлар бакчасының җиләге «сөбханАллаһ» дип карарлык.
Җиләкләр өлгереп килә бездә, дуслар. Менә шундый бәрәңге кадәр сортлар, – ди ул һәм тормыш иптәше Диләрәнең ярты учы кадәр җиләкне дә күрсәтә. – Әле өлгереп бетмәгәннәре дә бар. Вәт шул. Ат башы кадәр дип әйтәләр бит. Менә шундыйлар үсә бездә, – дип, уңышы белән «мактанган» Рифат үзенең сторисларында.