Риф Гатауллин беренче аерылышуы турында: «Очраклы гына икенче хатын-кыздан улым туды»

Композитор Риф Гатауллин «Ирек мәйданы» газетасына интервьюсында никахлары турында сөйләгән.

«Берсенә дә аерылам дип өйләнмәдем, шулай килеп чыкты. Беренче никахымда балабыз булмады, аерылмаган да булыр идек дип уйлыйм. 6 ел яшәгәннән соң, очраклы гына икенче хатын-кыздан улым туды. Улым Алмазны беркайчан ташламадым, әнисе белән дә мөнәсәбәтләр начар булмады, ләкин бергә яшәмәдек. Флүз дә – иҗат кешесе, җырчы. Аннары җырчы Гөлзадә Сафиуллина белән язылышып, 6 ел яшәдек. Аның белән иҗади гаилә кордык: гел гастрольләр, уртак җырлар күп язылды. Тик ул никах та кыска гомерле булды.

Хәзерге хатыным Мөршидә белән 30 ел бергә яшибез, Аллаһка шөкер. Туран исемле егет үстердек. Улыбызгы 30 яшь тулды инде. Мөршидә – бик булган кеше. Олы улым Алмазны да ташламый, минем туганнар белән дә элемтәне җайлап тора. Чын хатын-кыз шундый булырга тиеш, минемчә».