Кәрим Тинчурин исемендәге Татар дәүләт драма һәм комедия театрының баш режиссеры Айдар Җәббаров һәм аның тормыш иптәше, тамашачыга күп кенә татар сериаллары аша таныш актриса Эльвина Насыйбуллина әти-әни булганнар. Иҗади гаиләдә кыз бала дөньяга килгән. Бу хакта Тинчурин театрының социаль челтәрләрендә хәбәр иттеләр.
«Нәни кызыгыз сау-сәламәт, бәхетле булып үссен! Өегез һәрвакыт мәхәббәт, җылылык һәм иҗат рухы белән тулып торсын!» – диелә хәбәрдә.