Танылган аш-су остасы, «Тәмле булсын!» татар халык ашлары китабы авторы, Татарстанның атказанган халыкара хезмәт күрсәтү өлкәсе хезмәткәре Резидә Хөсәеновадан бәлеш рецептын һәм аны матур итеп ясау ысулын (видео карагыз) тәкъдим итәбез.
Камыр өчен 300 грамм кефир, 150 грамм чамасы эретелгән атланмай, 1 чәй калагы тоз, 0,5 чәй калагы сода, чама белән он.
Эчлеккә ит, баклажан, кишер, бәрәңге, суган, тоз, борыч, тәмләткеч кирәк. Итне эре яки вак итеп турарга, баклажанны тозлы суда тотарга, чистартырга һәм шакмаклап турарга, калган яшелчәләрне дә турап салырга.
Ит бәлешен вак итеп ясау өчен тирән эчле тәлинкә алырга, җәймәне шунда куярга, эчлек салырга (ит майлы булмаган очракта 1-2 шакмак атланмай кисеп салырга) һәм бөгеп куярга. Аннары камырдан жгут ясап, бәлеш тирәли куярга һәм матур итеп бөгәргә. Бәлеш уртасына камырдан ясалган роза чәчәген бөке итеп куярга.
Вак бәлешләрне йомырка сарысы белән майларга.